W noc Walpurgi jako żywo
Chyć na fest sie skał ryncami
Noc ta żondno i chutliwo
Cołkiym może cie omamić.
Heksy na tych swoich mietłach
Pocznom skrzyć sie i heksować
Fto sie łoprzeć im niy zdoło
Może nowet stracić go-owa.
Roz za roz kej wioter fuknie
Łogiyń bucho ku nom łokiym
A warkocze kej postronki
Ciongnom gibko kaś na boki.
Fto sie tyknie tego wionka
Zdo sie co to roztomiła
Potym zdo się, że to żonka
A to chytro heksa by-yła.
Taki nom tu na majówka
Zwyczaj z Anhalt przysmyczyli
W górach Harz harcujom przecie
Zowdy kej sie kończy kwieciyń.
Han na szpicy góry Brocken
W noc Walpurgi fajerujom
U nos w Murckach, rok za rokiym
Durś jednako tyż świyntu-ujom!